 |
इन्स्ट्राग्रामची सुरुवात १६ जुलै २०१० रोजी झाली. केविन सिस्ट्रोम आणि माइक क्राइगर यांनी इंटरनेटवर छायाचित्रे एकमेकांसोबत शेअर करण्यासाठीचे व्यासपीठ म्हणून ‘इन्स्टाग्राम’ची निर्मिती केली. मोबाइलच्या मदतीने काढलेली छायाचित्रे इतरांपर्यंत पोहोचविण्यासाठीचे महत्त्वाचे साधन म्हणून इन्स्टाग्राम विकसित होत गेले. इन्स्टाग्रामच्या मोबाइल अॅप्लिकेशनला सुरुवातीच्या काळामध्येच मिळालेला प्रतिसाद विचारात घेत, २०१२ साली फेसबुकने इन्स्टाग्रामची मालकी स्वतःकडे घेतली. या व्यासपीठावर वापरकर्त्यांना आपण स्वतः काढलेली छायाचित्रे इतरांसमोर मांडण्यासोबतच, आपल्या छायाचित्रांना वेगवेगळ्या फिल्टरच्या मदतीने नवी ओळख देण्याची सुविधाही मिळते. इन्स्टाग्रामवर छायाचित्रांसाठी उपलब्ध असलेल्या नानाविध फिल्टर्सच्या मदतीने सर्वसामान्य व्यक्तींनी काढलेल्या छायाचित्रांना अगदी व्यावसायिक दर्जाच्या छायाचित्रामध्ये रुपांतरित करण्याची सुविधा उपलब्ध आहे. इन्स्टाग्रामच्या मोबाइल अॅप्लिकेशन्समध्ये हे फिल्टर्स अगदी सहजच वापरता येतात. तसेच, या अॅपच्या मदतीनेच एकाच वेळी वेगवेगळ्या सोशल मीडिया प्लॅटफॉर्म्सवर आपण काढलेली छायाचित्रे पाठविण्याची आणि इतरांसमोर मांडण्याची सुविधाही उपलब्ध आहे. केवळ मर्यादित स्वरुपात छायाचित्रे इतरांपर्यंत पोहोचविण्यासाठी म्हणून २०१३ मध्ये इन्स्टाग्रामने आपल्या वापरकर्त्यांना चॅट सर्व्हिसही उपलब्ध करून दिली. त्या आधारे १५ जणांना थेट प्रायव्हेट मेसेज म्हणून छायाचित्रे पाठविणेही शक्य होऊ लागले. इन्स्टाग्रामच्या सुरुवातीपासूनच छायाचित्रांना कॅप्शन देणे, इतरांनी काढलेल्या छायाचित्रांविषयीची आपली मते कमेंट म्हणून मांडणे शक्य होते. इन्स्टाग्रामची मालकी फेसबुककडे आल्यानंतरच्या काळात या अॅप्लिकेशनचा विस्तार मोठ्या प्रमाणावर झाला. फोटो टॅगिंग, एम्बेडेड फोटो, लिंक शेअरिंग आदी सुविधा या अॅप्लिकेशनच्या माध्यमातून उपलब्ध होत गेल्या.
(@प्रा.योगेश_बोराटे यांच्या #सोशल_मीडिया या मराठी पुस्तकातून साभार.)
-------------------------------------------------------------
Prof. Yogesh Borate
Mobile: 9975220225
या खालील लिंक्सवर हे पुस्तक उपलब्ध आहे.
-------------------------------------------------------------
मित्र हो, हा लेख आवडला तर नक्की आपल्या हितचिंतकांना वरील नावासह पाठवायला विसरू नका. हा लेख जास्तीत जास्त शेर करा/लाइक करा. उद्या भेटू यात जागल्याच्या लेख मालिकेत...
आपल्या काही सूचना असतील तर मेलवर नक्की आम्हाला काळवा. mejagalya@gmail.com
आपल्या काही सूचना असतील तर मेलवर नक्की आम्हाला काळवा. mejagalya@gmail.com
आमच्या 'जागल्या' व्हाट्सअप समूहामध्ये सामील होण्यासाठी खालील लिंकला क्लिक करा.
https://chat.whatsapp.com/IogFFXsbTDq5xG5AiybtEf
कोणत्याही टिप्पण्‍या नाहीत:
टिप्पणी पोस्ट करा